سياسة الخصوصية – تطبيق «الكناش»
آخر تحديث: نونبر 2026
1. البيانات ديالك كتبقى عندك
جميع المعلومات اللي كتدخل (أسماء الزبناء، أرقام الهاتف، المبالغ، الملاحظات) كتتحفظ غير فالتيليفون ديالك (فذاكرة المتصفح/التطبيق). ما كنصيفطوهاش لحتى سيرفر، وما كنشوفوهاش، وما كنبيعوهاش لحد.
2. بلا تسجيل وبلا إعلانات
ما كيخصكش تحل حساب، والتطبيق ما فيه حتى إعلان ولا أداة تتبّع إعلانية.
3. واتساب والمكالمات
فاش كتبرك على «واتساب» ولا «عيّط»، التطبيق كيحل ليك واتساب ولا الهاتف ديالك بالرسالة جاهزة، وانت اللي كتقرر تصيفطها. الرسالة كتمشي عبر واتساب وكتخضع لسياسة الخصوصية ديالو.
4. النسخة الاحتياطية
زر «حفظ نسخة» كيصاوب ملف فالتيليفون ديالك، وانت اللي كتختار فين تحفظو (واتساب، Drive...). إلا مسحتي التطبيق ولا بيانات المتصفح بلا نسخة احتياطية، البيانات كتضيع.
5. الإحصائيات
كنستعملو Cloudflare Web Analytics باش نعرفو غير عدد الزيارات بشكل عام ومجهول، بلا cookies وبلا أي معلومة على الزبناء ديالك.
6. التواصل
لأي سؤال: contact@qissalingo.com
Privacy policy (summary)
All data you enter (customer names, phone numbers, amounts, notes) is stored only on your device and is never sent to our servers. No account, no ads, no advertising trackers. WhatsApp/call buttons only open your own apps with a prepared message. Backups are files you save yourself. We use Cloudflare Web Analytics for anonymous, cookieless visit counts only. Contact: contact@qissalingo.com